A Mumming at London:
Trinity R.3.20 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 28 Recto (page 57)
Compare Witnesses: •
ɲ
But þat oþer syde / of þat
hoolde •Is ebylt in ougly wyse •
And ruynous / for to devyse •
Daubed of clay is þat doungeoun •
Ay in poynt to falle adoun •
Þat oon fayre / by apparence •
And þat ooþer in existence •
Shaken witħ wyndes Rayne and hayle •
And sodeynly / þer dooþe assayle •
A raage floode / þat mancyoun •
And ouerfloweþe it vp and doun •
Her is no reskous / nor obstacle •
Of þis ladyes habytacle •
ɲ
And as hir hous / is ay
vnstable •Rigħt so hir self is deceynable •
In oo poynt she is neuer elyche •
Þis day she makeþe a man al ryche •
And thorugħe / hir mutabilytee •
Casteþe him to morowe / in pouertee •
She made Alexaundre wynnen
al •
Þat noman him witħ stonde dare •
And caste him dovne / er he was ware •
So did sheo / Sesar
Iulius •
She made him first victorius •
Þaugħe to do weel / sheo beo ful looþe •
Of a Bakers sonne / in sooþe •
She made him a migħty Emperour •
And hool of Roome was gouuernour •
Maugrey þe Senaat / and al þeyre migħt •
sesar a bakars
soon •
Notes
-
The second "d" glyph here is barred, but that does not appear to occur elsewhere in the witness. As such, I believe this bar to be an otiose mark. ↩
The work on this manuscript witness was generously sponsored by a ZKS-Lendrum Fellowship in the Scientific Study of Manuscripts and Inscriptions at the Institute for Medieval and Early Modern Studies at Durham University. The transcription of this work is owned by the editor and licensed under a Creative Commons Attribution-NonCommercial-ShareAlike 4.0 International License. The images are owned by the Wren Library at Trinity College, Cambridge and are provided under a Creative Commons Attribution-NonCommercial 4.0 International License.