The Testament of John Lydgate: British Library Additional 34193 Verses

Data Dictionary

Folio 227 Verso

Compare Witnesses: •

Where vnto me anon there did appere •
where that I lay compleyinge in a traunce •
Clade in a mantełł A woman sad of chere •
Black whas here abyte Sobure of contenaunce •
Straunge whas here porte froward of daliaunce •
Castynge here loke to meward in certayne •
leke as of me she had disdeyne •

This said woman callied remembiraunce •
Of my myspent tyme in youthis lustynesse •
Which to recorde did me gret grevance •
Then came here suster namyd pensyfenesse •
ffro olde surfetis and to me dresse •
A wofułł biłł wicħ brought vnto me my mynde •
My gret outerage of longe tyme left be hynde •

Lyggynge a lone I gane to ymagyne •
how with iiii tymes departed þis þe yere •
Furst how In my soule to Illumyn •
Buddes hyn opon agayne the sonne clere •
The bame vppe reysed most souereyne and entre •
Out of þe Rote most naturally doth assende •
With newe lyf the bareyn sole to a mende •

The honysokiłł the fressħ primerolles •
There rolles levys splaye at febus vprisinge •
The amorus foules with morthis and carołł •
Salve that seasoun euery mornynge •
Whane Aurora hyr lycoure distyllynge •
Sent on erbis the perly droppis shenne •
With Siluyr dropis to enlumyn with þe grene  •