Measour is Treasour: British Library Harley 2255 Verses

Data Dictionary

Folio 145 Recto

Compare Witnesses: •

¶
Meyrissherevys / aldirmencunstablys•
Which that governe / bourghes and citees •
Kepith your fraunchise / and statys profitablys •
That moost avaylle may to the comountees •
In no wise lese nought your libertees •
Accorde ecħ man / with his trewe neyhbour •
As ye ar bounde / to hiħ and lowħ degrees •
That pays and wheyghte / be kept and Iust mesour •

¶
Among your silf / suffre noon extorcioun •
let no wrong be doo / vnto the poraylle •
On theffte / and manslaughte / doo execucioun •
Beth weel providid / for stuff and for vitaylle •
let no devisioun Salamon doth counsaylle •
With Inne your silf holde no socour •
And for a resour which greetly may avaylle •
Among alle thyng kepe peys and Iust mesour •

¶
ffamous marchauntys / that ferre cuntrees •
With al ther greete rychesse / and wynnynges •
And Artificerys that at hem abyde •
So ferre castyng / in many sundry thynges •
And been expert in wondirful konnyngges •
Of dyvers crafftys / tavoyden al Errour •
What may avaylle / al your ymagynynges •
With onte proporciouns of weyghte and Iust mesour •