a picture of John Lydgate with the initials of the website
Quis Dabit Meo Capiti Fontem Lacrimarum:
Cambridge Jesus College Q.G.8 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.21 verso
Folio 20 RectoFolio 20 VersoFolio 21 RectoFolio 21 VersoFolio 22 RectoFolio 22 Verso

Decoration
Download XML
Data Dictionary
Folio 21 Verso
Compare Witnesses: •
My dere son wered a crowne of thorne. •
Of golde and perle a gryne þeire stately crownes . •
A geyn þeire ridyng þeire grete menye tham be forne . •
My son on foot hath his cros borne . •
A geyn þere seetis of stones and perree .1 •
And for mankynd þat was þurgh synne lorne . •
He poore and nakid was nailed to a tre . •
Ageyn there beddis staatly high and soft . •
Of wordly princys with pilowes for þere hede . •
Vpon þe Roode my son was lift on loft . •
With Bloody purpul his mantel maade all rede . •
Marked with a spere and for mankynde dede . •
And gruchid nothing þurth his humilite . •
To me noon ese whan þat I take hede . •
And saw my sone thus nailed to a tre . •
For adam synne thus was my son slane . •
Thurgh þe olde serpent by þe assent of Eve . •
Whan þurth my meknes mankynd was maade fayne . •
Here name turned þere thraldome to releue . •
Gabriell cam my mekenes for to preue . •
Sent by oon accorde of all þe Trinite . •
Bot full sore after it did my herte greue . •
Whan I sawe my son nailed to a tre . •
For mannes loue he faught a grete bataile . •
With his vij hedys he outraed the dragon ·. •
Notes
  1. The mark to the left of the A here seems to serve no purpose. ↩

Creative Commons License
Except where otherwise noted, this work is licensed under a Creative Commons Attribution-NonCommercial-ShareAlike 4.0 International License.