a picture of John Lydgate with the initials of the website
Quis Dabit Meo Capiti Fontem Lacrimarum:
Cambridge Jesus College Q.G.8 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.21 recto
Folio 20 RectoFolio 20 VersoFolio 21 RectoFolio 21 VersoFolio 22 RectoFolio 22 Verso

Decoration
Download XML
Data Dictionary
Folio 21 Recto
Compare Witnesses: •
Ppeple vnkynde why wist þu none hede take . •
To se thy lord of hell erth and heuen . •
Meeke as a lambe thus offrid for þi sake . •
To sle þe dragon with his hedis seuen . •
Daunting þe power of his infernal leuene . •
Out of his thraldome to make ye go fre . •
With many mo woundes þan eny man can nevene . •
Whan he at calvarie was nailed to a tre . •
It is a mervale or any maner wounder . •
Þof I full oft wowne for greuaunce . •
Was euer moder outhir here or yonder . •
That for hire childe felt more Penaunce . •
Myn inwarde sorowes can fynde none allegeaunce •
Ich howre renewing it will now other be . •
Whan euer it cometh to my Remembraunce . •
How my son was nailed to a tre . •
The lymmes feble vpon the feete to stonde . •
Whan I allas considre and do be holde . •
This pitios matier þat we have on honde . •
ffull litill mervale þof my herte colde . •
Myn haundis craumpyssing I may them not vnfolde . •
To goon vpright I haue no foote or kne . •
My paynes passe all turmentis newe or olde . •
Thus to se my sone nailed to a tre . •
Ageyn the guyse of kingis riche crownes . •

Creative Commons License
Except where otherwise noted, this work is licensed under a Creative Commons Attribution-NonCommercial-ShareAlike 4.0 International License.