a picture of John Lydgate with the initials of the website
Quis Dabit Meo Capiti Fontem Lacrimarum:
Cambridge Jesus College Q.G.8 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.20 verso
Folio 20 RectoFolio 20 VersoFolio 21 RectoFolio 21 VersoFolio 22 RectoFolio 22 Verso

Decoration
Download XML
Data Dictionary
Folio 20 Verso
Compare Witnesses: •
To see my son thus nailed to a tre . •
A gentill princesses and ladies of estate . •
And ye virgyns in youre entent moost clene . •
To gyff me comfort þat stood all desolate . •
Renneth a paas to se þe woundes grene . •
Of your true spouse of bleding pale and leue . •
And aduertiseth and hath now reuth on me . •
ffeynt for to stonde for how shuld I sustene . •
To se my sone þus nailed to a tre . •
And all ye women to appeise my heuynes . •
Remembrith þe processe of his dredfull victory . •
Se to fore pilat by many false witnes . •
How he was dampned in þe consistorye . •
Redd ye euer or saw in historye . •
Of ony sorwes þat may compared be . •
Vnto the sorwes graue in my memorie . •
To se my sone þus nailed to a tre . •
And if ȝe like of reuth for to lere . •
And at my terys yeue ȝe not disdeyne . •
Bot of compassion mekely list to here . •
How a sharpe swerde my herte hath carue on tweyne . •
A swerde of sorowe þurth percide euery vayne . •
How deth hath slayne my sone and sparith me . •
Allas fro wepyng how sholde I me restreyne . •
To se my sone þus nailed to a tre . •

Creative Commons License
Except where otherwise noted, this work is licensed under a Creative Commons Attribution-NonCommercial-ShareAlike 4.0 International License.