a picture of John Lydgate with the initials of the website
Quis Dabit Meo Capiti Fontem Lacrimarum:
British Library Harley 2255 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.69 recto
Folio 66 VersoFolio 67 RectoFolio 67 VersoFolio 68 RectoFolio 68 VersoFolio 69 RectoFolio 69 Verso

Decoration
Download XML
Data Dictionary
Folio 69 Recto
Compare Witnesses: •
ffor mannys love / he faught a gret batail •
with his sevene hedys / he outraied þe dragoun •
lyk myghty sampson / withoute plate or mayl •
In his strong fight / he stranglid the leoun •
thus was my sone / mankyndis champioun •
Thorugh his moost myghty magnanymyte •
As kyng and bisshop / made his oblacioun •
vpon the high auhter / of the roode tre •
My sonys suffraunce / to sathan was gret wrak •
whos gret meeknesse / did I nough suffise •
Cleerly figured / whan that Isaak •
was by his fadir / offrid in sacrifise •
Nat disobeyeng / in no maner wyse •
but like a lamb / of lownesse list nat fle •
But1 moost myn herte / that tyme did agrise •
Whan I first sauh hym nailed to a tre •
He myhte be callyd Eleasar the secounde •
the Champioun / moost mygħty and notable •
That gaf tholifaunt / his last mortal wounde •
Machabeorum / this stoory is no fable •
And as hercules / in his conquestys stable •
bar vp the heuenys / in his humanyte •
ffor whom my sorwys / wer maad moost lamentable •
whan I beheeld hym / thus nailed to a tre •
Notes
  1. This line and the one previous perhaps best exemplify the inconsistency of intital glyph capitalizaton throughout this witness. ↩

Creative Commons License
Except where otherwise noted, this work is licensed under a Creative Commons Attribution-NonCommercial-ShareAlike 4.0 International License.