Quis Dabit Meo Capiti Fontem Lacrimarum:
British Library Harley 2255 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 67 Verso
Compare Witnesses: •
¶
O gentil princessis / and ladies of estat •And ye virgines / in your entent moost cleene •
To yeue me comfort / that al desolat •
Rennyth apaas to see the woundys greene •
Of your trewe spouse / of bleedyng pale & leene •
And aduertiseth / and hath now routhe on me •
ffeynt for to stonde for how shuld I susteene •
To see my sone / thus nailed to a tre •
¶
And alle ye women / tapese myn hevynesse •Remembrith the processe / of this dreedful victory •
See to for pilat / by many fals witnesse •
How he was dampnyd / in the consistory •
Bad ye evir / or saugh in history •
of ony sorwys / that may comparyd be •
vnto the sorwes / grave in my memory •
To see my sone thus nailed to a tre •
¶
And yif ye like / of routhe for to lere •and at my terys / yif ye nat disdeyne •
but of compassioun / meekly list to here •
how a sharp swerd / myn hert hath corve on tweyne •
A swerd of sorwe / thorugh percyd every veyne •
Now deth hath slayn my sone / and sparith me •
Allas fro weepyng / how shuld me restreyne •
To see my sone / thus nailed to a tre •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.