Quis Dabit Meo Capiti Fontem Lacrimarum:
British Library Harley 2255 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 68 Recto
Compare Witnesses: •
¶
O peeple vnkynde / why wilt thu noon heed take •To see the lord / the lord of helle erthe and hevene •
Meek as a lamb / thus offrid for thy sake •
to sle the dragoun / with his hedys sevene •
Dauntyng the power / of his infernal levene •
Out of his thraldam / to make the go fre •
with many mo woundys / than any man kan nevene •
Whan he at Caluary was nayled to a
tre •
¶
Is it a merveil / or any maner wondir •Thouh I ful ofte / swowne for grevaunce •
Was evir moodir / outhir heer or yondir •
That for her child / felte moore penaunce •
Myn inward sorwys / can fynde noon allegaunce •
Eche hour renewyng / it wyl noon othir be •
whan evir it comyth / to my remembraunce •
how that my sone / was nailed to a tre •
¶
The lymes feble / vpon my feet to stonde •whan I allas / concidre and so beholde •
this pitous mateer / that we han on honde •
fful litil mervail / though my herte colde •
To goon vpright / I ha no foot nor kne •
My peynes passe / all turmentis newe & olde •
To see my sone / thus nailed to a tre •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.