Quis Dabit Meo Capiti Fontem Lacrimarum:
St. John 56 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 74 Recto
Compare Witnesses: •
All ye women / to appese myne heuynesse ؛ •
Remenbrethe / and haue now rewthe on me ؛ •
Sethe to fore pylate / be mannes fals wytnesse ؛ •
Howe he was dampned / in þe concistorye •
Cled ye euere / or sawe in story •
Off ony sorwes / þat may compard bee ؛ •
Vn to the sorowes / grauen in my memorye ؛ •
To see my soone / þus nayled to a tree ؛ •
And yeff ye lyke / of rewthe for to lere ؛ •
And atte my teerys / yiff ye nat dysdeyne ؛ •
But of Compassioun / mekly lest to here ؛ •
Howe a scharp swerd / myne herte hathe corven I tweyne
؛ •
A swerd of sorowe / þorugh percyd euery veyne
؛ •
And dethe hathe slayne / my sone and spared me ؛ •
Allas fro wepinge / howe schall I me restreyne ؛ •
To se my sone / thus nayled to a tree ؛ •
O peple vnkynde / why wyll þu noon hede take ؛ •
To see the lord of helle / erthe and heuen ؛ •
Meke as a lamb / þus offrd for thy sake ؛ •
To slee the dragoun / with his hedes seuen ؛ •
Daqntyng þe power / of his infernall leuen ؛ •
Out of his thraldam / to make þe goo free •
With many woo woundes / þan any man can neven ؛ •
Whan he at calverye / was nayled to a tree ؛ •
Is it ameruayle / or any maner wonder ؛ •
Though I full offte / swoune for greuaunce ؛ •
Was ther euer moder / oþer heer or yonder ؛ •
That for her chyld / felt more penaunce ؛ •
Myne inward sorwes / can fynde noon allegeaunce ؛ •
Eache hour renewyng / yt wyll noon other be ؛ •
Whan euer yt comethe / to myn my remenbraunce
؛ •
Howe þat my sone / was nayled to a tree ؛ •
The lemes feble / vpon my feet to stonde ؛ •
Whan I allas / consydre and be holde ؛ •
This petous mateer / þat we haue in honde ؛ •
fful lytell meruayll / þowgh myne herte colde ؛ •
myne hondes crampyssh / I may them nat vnfold ؛ •
To goon voryght / I haue noo foot nor knee ؛ •
My paynesse passe / all tormentis new newe or olde ؛ •
To see my soone / þus nayled to a tree ؛ •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.