a picture of John Lydgate with the initials of the website
A Mumming at Windsor:
Trinity R.3.20 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.37 recto
Folio 36 Recto (Page 71)Folio 36 Verso (Page 72)Folio 37 Recto (Page 73)Folio 37 Verso (Page 74)

Decoration
Download XML
Data Dictionary
Folio 37 Recto (Page 73)
Compare Witnesses: •
ɲ
And þe flour delyce •
In hir þer was / so entier diligence •
ffully devoyde / of slouthe and necglygence •
Ne stynt nougħt / til þat hir lord haþe take •
Þe feyth of Cryst / and his errour forsake •
ɲ
Þis made þe kyng / þat crystes feytħ tooke •
ffor he was booþe manly and Rigħt wys •
Þe three Crepaudes / þis noble kyng forsooke •
And in his sheelde he bare thre floure delys •
Sent frome heven / a tresore of gret prys •
Affter at Reynes / þe story telleþe þus •
Baptysed lowly / of saint Remigius •
ɲ
Þaumpolle of gold / a coller brougħt adovne •
witħ whicħ he was / þis hooly kyng ennoynt •
Gret prees þer was / stonding envyroun •
ffor to beholde þe kyng / frome poynt to poynt •
ffor where as he / stoode in gret desioynt •
ffirst a paynyme / by baptyme anoon rigħt •
Was so conuerted / and bekame Crystes knigħt •
ɲ
At Reynes yit / þat hooly vnccyoun •
Conserued is for / a Remembraunce •
And of coustume / by Reuolucyoun •
Of god provyded / witħ due observaunce •
Tannoynte of coustume / kynges wheeche in ffraunce •
Ioustely succeede / þe story dooþe vs leere •
Of whicħ / sixst henry / þat nowe sitteþe here •
ɲ
Rigħt soone shal / witħ goodes hooly grace •
As he is borne / by successyoun •
Be weel resceyyed1/ in þe same place •
And by vertu / of þat vnccyoun •
Atteyne in knigħthoode / vn to ful hye Renoun •
Resceyve his coroune / he and his successours •
By tytle of rigħt / lyche hees progenytours •
ɲ
Nowe Royal braunche / O blood of saint lowys •
So lyke it nowe / to þy magnyfycence •
Þat þe story of þe flour delys •
May here be showed / in þyne hegħe presence •
Notes
  1. The fourth glyph appears to be a "t," but it might also be an "sc" ligiture." BL Additional 29729 is similarly constructed in a way that might be a ligature. ↩

The work on this manuscript witness was generously sponsored by a ZKS-Lendrum Fellowship in the Scientific Study of Manuscripts and Inscriptions at the Institute for Medieval and Early Modern Studies at Durham University. The transcription of this work is owned by the editor and licensed under a Creative Commons Attribution-NonCommercial-ShareAlike 4.0 International License. The images are owned by the Wren Library at Trinity College, Cambridge and are provided under a Creative Commons Attribution-NonCommercial 4.0 International License.