a picture of John Lydgate with the initials of the website
A Mumming for the Goldsmiths of London:
Trinity R.3.20 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.88 recto
Folio 88 Recto (Page 177)Folio 88 Recto (Page 178)

Decoration
Download XML
Data Dictionary
Folio 88 Recto (Page 177)
Compare Witnesses: •
ɲ
By þe Goldsmythes •
ɲ
1 And he him self / in especyal •
Daunsed and sang / of gret humylyte •
And ful deuoutely lefft his ryaltee •
With Ephod gyrt/ lyche preestis of þe lawe •
To gyf ensaumple / howe pryde shoulde beo2 witħdrawe •
ɲ
In yche estate who list þe trouth serche •
And to exclude al veyne ambycyoun •
Specyally fro mynistres of þe chirche •
To whome hit / longeþe / by deuocyoun •
To serve god / witħ hool deffeccyoun •
And afforne him / mynistre in clennesse •
Bensaumple of Dauid for al his worþynesse •
ɲ
Nowe ryse vp lord / in to þy resting place •
Aark of þyne hooly halowed mansyoun3 •
Þou aark of wisdome / of vertu and of grace •
Keepe and defende in þy proteccion •
Þe Meyre þe Citeseyns / þe comunes of þis tovne •
Called in cronycles / whylome nuwe Troye •
Graunte hem plente / vertu honnour and Ioye •
•• Surge domine in requiem tuam tu est archa •
sanctificacionis tue •
ɲ
And for þat meeknesse / is a vertu feyre •
Worþy David / witħ kyngly excellence •
In goodely wyse haþe made his repayre •
O noble mayre / vn to youre presence •
And to youre hyegħnesse / witħ freondly dilygence •
Þis presande brougħt / oonly for þe best •
Perpetuelly þis tovne to sette at rest •
ɲ
Of purpoos put þis Aark to youre depoos •
Witħ good entent / to make youre hert ligħt •
And þoo three thinges / whicħ þer Inne beo cloos •
Shal gif to yowe konnyng / grace and migħt •
ffor to gouuerne / witħ wisdome pees and Rigħt •
Þis noble Cytee / and lawes suche ordeyne •
Þat no man shal haue cause for to compleyne •
Notes
  1. The scribe made a mistake here, adding the "n" indicating the beginning of a stanza. ↩
  2. MacCraken has "be" here, but there appears to be a full letter after the e rather than an otiose mark. ↩
  3. what appears to be a plus mark in a different ink color is just to this line, but there is no corresponding note ↩

The work on this manuscript witness was generously sponsored by a ZKS-Lendrum Fellowship in the Scientific Study of Manuscripts and Inscriptions at the Institute for Medieval and Early Modern Studies at Durham University. The transcription of this work is owned by the editor and licensed under a Creative Commons Attribution-NonCommercial-ShareAlike 4.0 International License. The images are owned by the Wren Library at Trinity College, Cambridge and are provided under a Creative Commons Attribution-NonCommercial 4.0 International License.