a picture of John Lydgate with the initials of the website
A Mumming for the Goldsmiths of London:
Trinity R.3.20 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.87 verso
Folio 87 Recto (Page 175)Folio 87 Verso (Page 176)

Decoration
Download XML
Data Dictionary
Folio 87 Verso (Page 176)
Compare Witnesses: •
ɲ
A desgysing to þe mayre •
ffor to presenten in especial •
Gyfftes þat beon boþe hevenly and moral •
Apperteyning1 vn to good gouuernaunce •
Vn to þe Mayre / for to doo plesaunce •
ɲ
ffrome his cytee / of Iherusalem •
He is come dovne / of humble wille and thougħt •
þe Arke of god brigħt as þe sonne beeme •
In to þis tovne / he haþe goodely brougħt •
Whicħ designeþe / if hit be wel sougħt •
Grace and good2 eure / and long prosperitee •
Perpetuelly to byde in þis cytee •
ɲ
O yee levytes / whycħ bere þis lordes arke •
Dooþe youre devoyre / witħ hevenly armonye •
Þe gret mysterye / deuoutely for to marke •
Witħ laude and prys / þe lord to magnefye •
Of oon acorde sheweþe / your melodye •
Syngeþe for Ioye / þat þe Arke is sent •
Nowe to þe Mayre / witħ hoole and truwe entent •
ɲ
Whylome þis Arke / abyding in þe hous •
Of Ebdomadon / brougħt in ful gret Ioye •
ffor in effect / it was / more gracyous •
Þanne euer was Palladyone of Troye •
hit did gret gladnesse / and hit did accoye •
Thinges contrarye / and al aduersytee •
Þeffect þer of whane David did see •
•• Palladyone was a relyk and an ymage •
sent by þe goddes in to þe cytee of Troye •
þe whicħ kept helm in longe presperite ageynst •
alle hir enemys •
ɲ
and fully knewe / howe god list for to blesse •
Thorugħe his vertu / and his migħty grace •
Þat of gladdnesse / þey migħt no thing mysse •
Wher hit aboode / any maner spaace •
God of his migħt halowed so þe place •
Wher fore Kyng david / by gret deuocion •
Maade of þis Ark / a fayre translacion •
ɲ
In to his hond / and his palays Royal •
Brougħt by þe levytes / witħ gret solempuytee •
Notes
  1. A stroke through the descenders of both p's serves as the suspension mark here. See also line seven of verse four below, where it occurs after the second p. No other p's in the witness have a similar strikethrough, so they have not been rendered here. ↩
  2. There's a stroke underneath the g that is likely meant to be a strikethrough of the "l" glyphs of the line following based on the use elsewhere in the manuscript. ↩

The work on this manuscript witness was generously sponsored by a ZKS-Lendrum Fellowship in the Scientific Study of Manuscripts and Inscriptions at the Institute for Medieval and Early Modern Studies at Durham University. The transcription of this work is owned by the editor and licensed under a Creative Commons Attribution-NonCommercial-ShareAlike 4.0 International License. The images are owned by the Wren Library at Trinity College, Cambridge and are provided under a Creative Commons Attribution-NonCommercial 4.0 International License.