a picture of John Lydgate with the initials of the website
Quis Dabit Meo Capiti Fontem Lacrimarum:
British Library Harley 2251 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.43 recto
Folio 42 VersoFolio 43 RectoFolio 43 VersoFolio 44 RectoFolio 44 Verso

Decoration
Download XML
Data Dictionary
Folio 43 Recto
Compare Witnesses: •
Crampisshed with deth · swounyng I do slepe •
To se my sone · thus nayled to a tre •
O gentil princesses · and ladyes of estate •
And ye virgynes · in youre entent most clene •
To yive me comfort · to st that stande al desolate •
Renneth a pase to se the woundes grene •
Of youre trewe spouse · of bleedying pale and leene •
And aduertisith · and have now rowth on me •
ffeynte for to stande · for how shuld I sustene •
To se my sone · thus nayled to at tre •
And all þe wymmen · tapese myn hevynes •
Remembrith the proces · of his dredful victory •
Setħ to for pilate · by many false witnes •
How he was dampned · in the consistory •
Rad ye euer · or saugħ in history •
Of my sorwis · that may compared be •
Vnto the sorwis · grave in my memory •
To se my sone · thus nayled to a tre •
And if ye like · of routh for to lere •
And at my teris · if ye nat disdayne •
But of compassioun · mekely list to here •
How a sharpe swerde · myn hert hatħ corve atweyne •
A swerde of sorw · thurgħ perced euery veyne •
Now deth hath slayn · my sone and spared me •
Allas from wepyng · how shuld I me restrayne •
To se my sone · thus nayled to a tre •
O peple vnkynd · whi wiltow none hede take •
To se the lorde of helle · erth and hevene •
Meke as a lamb · thus offred for thy sake •
To sle the dragon with his hedis sevene •
Dauntyng the power · of his Infernal levene •

Creative Commons License
Except where otherwise noted, this work is licensed under a Creative Commons Attribution-NonCommercial-ShareAlike 4.0 International License.